Categorías
Uncategorized

Lóstregos sobre Colorado

Créditos da imaxe & Copyright: Joe Randall

Explicación: Viches algunha vez unha tormenta eléctrica con abraio? Únete á multitude. Estrañamente, os detalles acerca de cómo se producen os lóstregos  continúan a ser un tema de investigación. O que é coñecido é que as correntes acendentes levan lixeiros cristais de xeo a colisións con bolas de xeo máis grandes e brandas, provocando que os cristáis máis pequenos se carguen positivamente. Despois de separarse suficientes cargas, ocorre a rápida descarga eléctrica que é o lóstrego. Os lóstregos normalmente teñen un curso irregular,  quentando rápidamente unha fina columna de aire a preto de tres veces a temperatura da superficie do Sol. A onda de choque resultante comeza de forma supersónica, e decae nun forte son coñecido coma trono. Os lóstregos son comúns nas nubes durante as tormentas de chuvia, e por término medio ocorren 44 lóstregos sobre a Terra cada segundo. Na imaxe, máis de 60 imaxes individuais foron apiladas para capturar o fluxo das nubes de tormenta que producen os lóstregos en Xullo sobre Colorado SpringsColoradoUSA

Categorías
Uncategorized

Pares de Lúa e o Mes Sinódico

Créditos da imaxe & CopyrightMarcella Giulia Pace

Explicación: Observa a Lúa cada noite e a súa porción visible alumeada polo Sol variará gradualmente. Nas fases que progresan dende a Lúa Nova ata a Lúa Chea e de volta a Lúa Nova, o ciclo lunar ou mes sinódico complétase en aproximadamente 29,5 días. Semellan cheos, pero de arriba á esquerda a abaixo á dereita estes paneis amosan o rango de fases lunares para un mes sinódico completo durante Agosto de 2019 dende Ragusa, Sicilia, Italia, planeta Terra. Para este proxecto de ciclo lunar os paneis organizan as imaxes das fases lunares en parellas. Cada imaxe individual está emparellada con outra imaxe separada por aproximadamente 15 días, ou aproximadamente a metade dun mes sinódico. Como resultado as porcións opostas iluminadas polo Sol completan o disco lunar e a liña de sombra no borde do día e a noite lunar, o terminador, avanza progresivamente ó longo da familiar cara da Lúa. Para créditos extra, que pase lunar deberías emparallar coa Lúa desta noite?

Categorías
Uncategorized

Lúa sobre Andrómeda

Créditos da imaxe composta & CopyrightAdam Block e Tim Puckett

Explicación: Gran Galaxia Espiral en Andrómeda (tamén coñecida coma M31), a únicamente 2,5 millóns anos luz de distancia, é a gran espiral máis próxima á nosa propia Vía Láctea. Andrómeda é visible a simple vista coma un pequeno, tenue e borroso parche, pero debido a que a o brillo da súa superficie é tan feble, ocasionais observadores do ceo non poden apreciar a impresionante extensión da galaxia no ceo do planeta Terra. Esta entretida imaxe composta compara o tamaño angular da galaxia cercana cunha brillante e máis familiar vista celeste. Nela, a profunda exposición de Andromeda, trazando fermosos cúmulos de estrelas azuis en brazos espirais máis aló do brillante núcleo amarelo, combínase cunha típica vista dunha Lúa case chea. Amosada á mesma escala angular, a Lúa cobre preto de 1/2 grado no ceo, mentres que a galaxia é claramente varias veces dese tamaño. A exposición profunda de Andrómeda tamén inclúe dúas galáxias satélites brillantes, M32 e M110 (abaixo e dereita).

Categorías
Uncategorized

Encélado en infravermello

Créditos da imaxe: VIMS TeamSSIU. ArizonaU. NantesESANASA

Explicación: un dos mundos máis atraentes dos Sistema Solar, Encélado, a lúa de xeo de Saturno móstrase nestas vistas hemisféricas tomadas pola sonda Cassini. As cinco imaxes en falsa cor presentan 13 anos de imaxes no infravermello capturadas polo espectrómetro de cartografiado visual e infravermello da Cassini. O xeo máis fresco é coloreado de cor vermella, onde destacan uns rasgos moi distintivos que semellan longos cortes no polo sur desta lúa de 500 quilómetros de diámetro. Estas raias que semellan as dun tigre correspóndense con fracturas na superficie que posiblemente conectan co océano baixo a codia de xeo de Encélado. As fracturas tamén son a orixe das erupcións de xeo que emanan continuamente ao espazo. Estas erupcións foron descubertas pola sonda Cassini en 2005. Agora, os tons vermellos na metade norte tamén indican a continua alteración da superficie desta lúa xeolóxicamente activa, un mundo que podería manter condicións compatibles coa vida.

Categorías
Uncategorized

Tránsito da ISS por Marte

Créditos da Imaxe e Copyright: Tom Glenn

Explicación: viche algunha vez á estación espacial facer esto? Se se coñece cando e a onde mirar, observar o paso da brillante Estación Espacial Internacional (ISS) atravesando o ceo nocturno é unha vista fascinante pero non moi inusual. Existen imaxes da ISS cruzando fronte a Lúa ou o Sol, aínda que son algo peculiares xa que requiren planificación, elección do momento xusto e paciencia. Sen embargo, capturar a ISS cruzando por diante do minúsculo Marte está a outro nivel. Empregando software en liña, o fotógrafo decatouse de que o inusual tránsito sería visible só momentaneamente dende un pequeno anaco de terra. Neste lugar, a velocidade relativa con respecto ao chan da ISS sería duns rápidos 7.4 quilómetros por segundo. Sen embargo, cunha cámara normal, un pequeno telescopio, unha localización exacta para montar o equipo, unha dirección de apuntado exacta e unha planificación por debaixo do milisegundo, o fotógrafo foi capaz de crear un video de onde a imaxe mostrada correspóndese con 0.00035 segundos de exposición. Na imaxe capturada resultante detalles de Marte e a ISS son visibles simultaneamente. Esta imaxe foi capturada o pasado luns ás 05:15:47 hora local dende o noreste de San Diego, California, Estados Unidos. Ainda que típicamente Marte é angularmente máis pequeno ca ISS, aproxímase ao seu máximo de tamaño angular nas próximas semanas, xa que o planeta azul (a Terra) aproxímase ao seu máximo acercamento co planeta vermello (Marte), nas súas respectivas órbitas entorno ao Sol.