Categorías
Uncategorized

Clarescuro marciano

Créditos da imaxe: HiRISEMROLPL (U. Arizona)NASA

Explicación: As sombras profundas crean vistosos contrastes entre a luz e a escuridade neste primeiro plano de alta resolución da superficie marciana. Fotografada o 24 de xaneiro de 2014 pola cámara HiRISE a bordo do orbitador de recoñecemento de Marte (Mars Reconnaissance Orbiter), toda a escena abarca 1,5 quilómetros. Dende 250 quilómetros sobre o planeta vermello a cámara apunta a un campo de dunas de area nun cráter na zona montañosa meridional. Capturado cando o sol estaba 5 graos sobre o horizonte local, soamente as crestas das dunas aparecen iluminadas pola luz do Sol. Un longo e frío inverno aproxímase ao hemisferio meridional e as relucentes crestas da xeada estacional debuxan as dunas marcianas. O orbitador de recoñecemento de Marte (Mars Reconnaissance Orbiter), unha das naves operativas máis antigas no planeta vermello, celebrou o 15 aniversario do seu lanzamento dende o planeta Terra o 12 de agosto.

Categorías
Uncategorized

Yogi e os seus amigos en 3D

Créditos da imaxe e Copyright:IMP TeamJPLNASA

Explicación: Nesta imaxen 3D estereoscópica da superficie de Marte de Xullo de 1997 amósanse xuntos a rampa do aterrador Pathfinder, o rover Sojourner, os airbags, un sofá, Barnacle Bill e a rocha Yogi. Barnacle Bill é a rocha xusto á esquerda do rover Sojourner. Yogi é como se coñece á grande rocha da parte superior dereita da imaxe. Por outro lado, o “sofá” é como se coñece á grande rocha de forma angular visible preto do centro do horizonte. Se miras a imaxe con lentes vermellos/azuis (o se se pon un anaco de plástico transparente vermello sobre o ollo esquerdo e azul ou verde sobre o dereito) pódese apreciar a imaxe cunha perspectiva 3D. Esta vista estereoscópica foi captada pola destacada cámara do aterrador Pathfinder, coñecida como IMP (Imager of Mars Pathfinder). A IMP ten dous canales ópticos para facer imaxes en estéreo e foi equipada con varios filtros de cores para poder realizar análise espectral. Operando como o primeiro observatorio astronómico en Marte, a IMP tamén captou imaxes do Sol e Deimos, a máis pequena das dúas lúas ananas de Marte. Este mes de Xullo foi lanzado Perseverance, o novo rover marciano da NASA na súa misión cara o Planeta Vermello.

Categorías
Uncategorized

Desenrolando M51

Créditos da imaxe e Copyright: Datos – Hubble Heritage ProjectProcesado – Paul Howell

Explicación: Nesta transformación dixital a partires dun retrato de M51 feito polo Telescopio Espacial Hubble, o grandes brazos espirais de 60000 anos luz de lonxitude móstranse desenrolados. M51 é unha das nebulosas espirais orixinais, os seus brazos enrolados descríbense mediante a curva matemática coñecida como espiral logarítmica, onde a separación entre os brazos increméntase nunha progresión xeométrica a medida que se alonxan do centro. Aplicando logaritmos para desplazar os píxeles da imaxe orixinal do Hubble respecto do centro de M51, é posible converter os seus brazos espirais en liñas rectas diagonais.
A imaxe transformada amosa que os brazos están trazados pola formación estelar neles mesmos, delimitados por rexións de formación estelar de cor violácea e cúmulos de xóvenes estrelas azuis. A galaxia compañeira de M51, NGC 5195 (arriba) parece sen embargo alterar o trazo do brazo que se atopa en fronte dela, aínda que ela mesma fica relativamente inalterada polo desenroledamento de M51. Tamén coñecido como spira mirabilis, as espirais logarítmicas podense atopar na natureza a todas as escalas. Por exemplo, as espirais logarítmicas tamén describen furacáns, as traxectorias de partículas subatómicas en cámaras de burbullas, e por suposto no romanesco.

Categorías
Uncategorized

O Sol en rotación

Créditos do video: SDONASAComposición dixital: Kevin M. Gill

Explicación: Cambia o Sol cando rota? Si, e os cambios poden mudar de sutís a moi intensos. Neste time-lapse o noso Sol, captado polo satélite SDO (Solar Dynamics Observatory) da NASA móstranos a súa rotación ao longo dun mes enteiro en 2014. Na imaxen grande da esqueda. a cromosfera solar amósases no ultravioleta, mentres que na imaxe pequena superior esqueda amósase a máis familiar fotosfera en luz visible. No resto de imaxes pequenas amósase a emisión en raios X producida por átomos de ferro que se atopan a diferentes alturas na corona, todas as imaxes preséntanse en falsa cor para acentuar as diferencias. O Sol tarda un pouco menos cun mes en rotar completamente, rotando máis rápido no ecuador- Unha gran e activa mancha solar rota pola vista xusto ao comezo do video. Pódense apreciar tamén efectos máis sutís como cambios na textura da superficie e nas formas das rexións activas. Efectos máis intensos inclúen escintileos nas rexións activas e erupcións ondeantes claramente visibles todo ao redor do borde do Sol. Na actualidade, o noso Sol está a atravesar por un período de baixa actividade dentro do seu ciclo magnético de 11 anos. Cando o video remata, a mancha solar activa mencionada anteriormente volta a aparecer na vista, aínda que amosándose agora diferente.

Categorías
Uncategorized

Marte á beira da Lúa

Créditos da imaxe e Copyright: Sergio Scauso

Explicación: Algunha vez a Lúa eclipsa a Marte? Si, ocasionalmente a Lúa móvese enfronte de tódolos planetas do Sistema Solar. Xustamente este pasado domingo, visible dende algúns lugares de Suramérica, a Lúa menguante eclipsou Marte. A imaxe amosada capturou dende Córdoba, Arxentina esta ocultación, amosando a irregular superficie da Lúa xunto cun brillante Marte inusualmente adxacente. Nuns poucos segundos, Marte desapareceu detrás da Lúa, só para reaparecer de novo uns poucos minutos despois polo outro lado. Hoxe a Lúa moverase preto, máis non enfronte, de Venus. Debido a que os aliñamentos non cambiarán moito, as dúas próximas veces que a Lúa pase por esta parte de ceo – a comezos de Setembro e a comezos de Outubro – de novo ocultará Marte, tal como se poderá ver dende certos lugares de Suramérica.