Categorías
Uncategorized

NGC 2442: Galaxia en Volans

Créditos da Imaxe e Copyright
Procesado: Robert Gendler & Roberto Colombari
Datos: Hubble Legacy ArchiveEuropean Southern Observatory

Explicación: a galaxia distorta NGC 2442 pódese atopar na constelación austral do Peixe Voador, (Piscis) Volans. Localizada arredor de 50 millóns de anos luz de distancia da Terra, os dous brazos espirais da galaxia espállanse dende a barra central conferíndolle unha forma de gancho nas imaxes de grande apertura de campo. Mais neste mosaico cercano, construido cos datos do telescopio espacial Hubble e do Observatorio Europeo Austral, apréciase a estructura da galaxia cun detalle extraordinario. Liñas de po escuro, grupos de xóvenes estrelas azuis e rexións de estrelas vermellas en formación contornan o núcleo amarelado composto pola poboación máis vella de estrelas. Esta nítida imaxen tamén revela o fondo máis lonxano de galaxias vistas ao través das agrupacións estelares e nebulosas de NGC 2442. A imaxe esténdense ao redor de 75 000 anos luz á distancia estimada de NGC 2442.

Categorías
Uncategorized

Cometa Neowise sobre o desfiladeiro Vikos

Créditos da imaxe & Copyright: Constantine Emmanouilidi

Explicación: Desgarrouse a Terra a sí mesma para amosarnos este cometa? Por suposto que non, aínda que esta imaxe pareza semellar o contrario. No fondo aparece o Cometa NEOWISE tal e como se amosaba fai unhas dúas semanas sobre o norte de Grecia. Sobre o cometa hai moitas estrelas incluido as brillantes estrelas da Osa Maior (Big Dipper) (tamén o Feiticeiro, na mitoloxía Azteca), un asterismo que moita xente arredor do mundo empregou para etopar o cometa a simple vista mentres flotaba nos ceos do norte ó longo do mes pasado. No primeiro plano atópase o Desfiladeiro Vikos, o desfiladeiro máis profundo na Terra, en relación a súa anchura. O desfiladoiro foi lentamente creado pola erosión producida polo río Voidomatis durante os últimos millóns de anos. A captura desta imaxe requeriu moita planificación, espera, sorte, loita contra fortes ventos, e evitar ós lobos locais. O Cometa C/2020 F3 (NEOWISE) continúa a esvaecerse e agora vese mellor con anteollos mentres se dirixe de volta ó Sistema Solar exterior.

Categorías
Uncategorized

Dous mundos, un Sol

Dous mundos, un Sol
Créditos e copyright imaxe esquerda: Damia Bouic;
Créditos imaxe dereita: NASAJPL-CaltechMSSSProcesado dixital: Damia Bouic

Explicación: Cómo de diferente pode parecer un solpor dende Marte ou dende a Terra? Por comparación, dúas imaxes da nosa estrela común tomáronse ó solpor, unha dende a Terra e outra dende Marte. Estas imaxes escaláronse para ter a mesma amplitude angular e foron destacadas aquí unha ó carón da outra. Unha rápida análisise revelará que o Sol aparece lixeiramente máis pequeno dende Marte que dende a Terra. Isto ten senso posto que Marte atópase un 50% máis afastado do Sol que a Terra. Máis sorprendente, quizáis, é que o solpor marciano é notablemente máis azulado preto do Sol que as cores laranxas típicas preto do Sol na súa posta dende a Terra. A razón para os tonos azuis dende Marte non se comprende totalmente, pero pénsase que está relacionado coas propiedades de dispersión do po marciano. O solpor terrestre foi capturado en Marzo de 2012 dende MarsellaFrancia, mentras que o solpor marciano capturouno no 2015 o rover da NASA Curiosity  dende o crater Gale en Marte. A pasada semana un novo rover e un helicóptero — a bordo da misión Mars 2020 — lanzáronse cara Marte.

Categorías
Uncategorized

A nebulosa Trompa do Elefante en Cefeo

Créditos da imaxe & Copyright: Chad Leader

Explicación: Coma unha ilustración na galáctica Just So Story, a nebulosa Trompa do Elefante serpentea a través da nebulosa de emisión e o xoven complexo de cúmulos estelares IC 1396, na alta e lonxana constelación de Cefeo. Tamén coñecida como vdB 142, a trompa de elefante cósmico ten máis de 20 anos luz de longo. Esta detallada vista de preto obtívose a través de filtros de banda estreita que transmiten a luz dos átomos ionizaos de hidróxeno e osíxeno na rexión. A composición resultante resalta as brillantes crestas que delinean as bolsas de frío po interestelar e gas. Tales nubes embebidas, escuras, con forma de tendril conteñen a materia prima para a formación de estrelas e agochan protoestrelas no seu interior. A preto de 3.000 anos luz de distancia o relativamente feble complexo IC 1396 cobre unha larga rexión do ceo, extendéndose máis de 5 graos. Esta dramática escena abarca un ángulo de visión dun grao de anchura, preto do tamaño de dúas lúas cheas.

Categorías
Uncategorized

Mars 2020 a 5000 pés

Créditos da imaxe e Copyright: John Kraus

Explicación: este xoves, esta foto tirada dende un pequeno avión voando a 5000 pés sobre a costa de Florida, captura a estela dun foguete ascendendo no ceo azul da mañá. Este foi o terceiro lanzamento do mes de Xullo dunha misión dende o planeta Terra con destino a Marte. O foguete Atlas V despega dende a rampa de lanzamento 41 na base aérea de Cabo Cañaveral ás 7:50am EDT (1:50pm hora peninsular) levando o rover da NASA Mars 2020 Perseverance (perseverancia). Este vehículo do tamaño dun coche diríxese ao seu lugar de aterraxe no Cráter Jezero no planeta vermello en Febreiro de 2021. A bordo deste sofisticado rover tamén viaxa o helicóptero marciano Ingenuity (enxeño).

Lanzamento de Mars 2020: fotos dende o planeta Terra