Categorías
Uncategorized

As auroras danzantes de Saturno

Crédito da imaxe: NASACassiniVIMS Team, U. ArizonaU. LeicesterJPLASI

Explicación: que produce as auroras de Saturno? Para axudar a encontralo, os científicos estudaron centos de imaxes de Saturno no infravermello feitas pola sonda Cassini con outros propósitos, intentando atopar suficientes imaxes de auroras para correlar os cambios e facer vídeos. Feitos os vídeos, algúns amosaron que as auroras de Saturno poden cambiar no só co ángulo do Sol, máis tamén cando o planeta rota. Ademáis, algúns cambios nas auroras semellan estar relacionados con ondas na magnetosfera de Saturno, probablemente causadas polas súas lúas. Nesta imaxe en falsa cor tomada en 2007 amósanse tres bandas en luz infravermella. Os aneis reflexan a luz solar relativamente azul, mentres que o propio planeta brilla en vermello con menos enerxía. Unha banda de auroras ao sur son visibles en verde. Recentemente atopouse tamén que as auroras quentan a atmosfera superior de Saturno. Entender as auroras de Saturno é un camiño cara ter un mellor entendemento das auroras na Terra.

Categorías
Uncategorized

Píxeles no Sol

Crédito da imaxe e Copyright: Wang Letian (Eyes at Night)

Explicación: estas dúas imaxes, compostas a partir de fotogramas dun vídeo realizado cun telescopio solar e un filtro hidróxeno alfa amosan con gran nitidez os detalles do disco solar e as prominencias ao longo do borde do Sol o 6 de xuño (imaxe superior) e o 18 de xuño (imaxe inferior). Feitas dende Pequín, China, tamén amosa o tránsito da Estación Espacial Internacional e a nova Estación Espacial Chinesa Tiangong fronte ao sol brillante. A Estación Espacial Internacional atópase preto do centro da imaxe inferior, cruzando o disco solar á esquerda dunha rexión activa brillante denominada AR2833 e por debaixo dun filamento solar con forma de lazo. A Estación Espacial Chinesa atópase baixo a rexión activa AR2827 xusto no centro da imaxe superior, visible como unha combinación dunha forma “+” e unha forma “-“. As imaxes dos tránsitos das estacións orbitais tomáronse co mesmo equipo e o mesmo tamaño de píxel, coa Estación Espacial Internacional a uns 492 quilómetros de distancia e a Tiangong a uns 400 quilómetros.