Créditos da imaxe: NASA/JPL-Caltech/SwRI/MSSS/JasonMajor
Explicación: que ves nas nubes de Xúpiter? A gran escala, dando voltas de arredor, Xúpiter ten bandas claras e vermellas alternas. As zonas de gas ascendente, maioritariamente hidróxeno e helio, normalmente xiran ao redor das rexións con altas presións. Polo contrario, a banda de gas que cae ao interior normalmente xira ao redor das rexións de baixa presión, como os ciclóns e huracáns na Terra. As tormentas nas bandas pódense formar grandes óvalos brancos persistentes ou manchas elongadas vermellas. A sonda robótica da NASA Juno retratou varias destas tormentas en 2017 durante o perijovio 6, o seu sexto sobrevoo ao planeta xigante na súa órbita de 2 meses. Pero seguramente non son as nubes o que chaman a túa atención na imaxe amosada, se non a súa colocación. A cara que destaca no medio da imaxe, alcumada Jovey McJupiterFace durou probablemente unhas semanas antes de que as tormentas veciñas continuaran xirando. Juno completou xa 33 órbitas ao redor de Xúpiter e xusto onte realizou o seu máximo achegamento a Ganímedes, a lúa máis grande do noso Sistema Solar.
